Oyggjaleikirnir 2009 gjørdust søguligir. Hetta vóru størstu leikirnir nakrantíð við eini 3.000 ítróttafólkum. Og fyri føroyskan ítrótt royndust leikirnir betri enn nakrantíð. Við okkara 34 gull-, 23 silvur- og 24 bronsuheiðursmerkjum gjørdust vit fyri fyrstu ferð fremsta oyggin av teimum 25 luttakandi.
Handan avrikini hjá okkara 100 ítróttafólkum liggja óteljandi tímar av venjing og kappingum, ja, eitt lív í ítrótti.
Fyri nøkur av okkara ítróttafólkum var hetta teirra fyrsta uppliving av oyggjaleikunum. Tey upplivdu trýstið at taka lut í altjóða kapping, men fingu samstundis nógvar góðar upplivingar og kendu serliga oyggjaleikafelagsskapin. Okkara vón er, at tey við luttøkuni hava fingið hug at venja fram móti komandi leikum.
Fyri onnur vóru hesir leikirnir partur av eini røð av altjóða kappingum. Tó fingu vit kensluna av, at upplivingin hesaferð var nakað serligt. Góðar umstøður, gott veður og eitt kent norðurlendskt umhvørvi hjálptu til. Og góðu føroysku úrslitini frá fyrsta leikdegi styrktu eisini um vónina hjá føroyingum, at hesa ferð fór at gangast væl. Og tað gekk øgiliga væl.
Sjálvandi kundu vit ynskt, at øll okkara fólk komu heim við heiðursmerki. Men fyri hvørt heiðursmerki eru tað nógv onnur, ið gjørdust ov stutt – hetta er ítróttur. Vinnarin er einki uttan tey, hann hevur vunnið á.
Ítróttasamband Føroya vil við hesum takka ítróttafólkum, leiðarum, venjarum og sersambondum, almennum myndugleikum, fjølmiðlum, vinnuligum stuðlum og føroyingum annars fyri tann stóra áhugan, tit sýndu Oyggjaleikunum 2009.
Vit líta nú fram til Oyggjaleikirnar 2011 á Isle of Wight. Kappast verður í hesum ítróttagreinum: badminton, bogaskjóting, borðtennis, flogbólti, fótbólti, frælsum ítrótti, golf, kurvabólti, sigling, skjóting, squash, súkkling, svimjing og tennis. Leikirnir verða í døgunum 25. juni til 2. juli 2011.
Hesi vunnu Føroyum heiðursmerki í 2009:
Bogaskjóting Compound Head to Head Team Knockout Faroe Islands Silvur
Bogaskjóting Men’s Compound Head to Head Knockout Jógvan Niclasen Gull
Bogaskjóting Men’s Recurve Head to Head Knockout Absalon Hansen Silvur
Bogaskjóting Recurve Head to Head Team Knockout Faroe Islands Gull
Bogaskjóting Single FITA Compound Team Faroe Islands Gull
Bogaskjóting Single FITA Men’s Compound Jógvan Niclasen Silvur
Bogaskjóting Single FITA Men’s Recurve Absalon Hansen Bronsa
Bogaskjóting Single FITA Recurve Team Faroe Islands Gull
Bogaskjóting Single FITA Women’s Compound Sigrid Kristianna Vang Silvur
Bogaskjóting Single FITA Women’s Recurve Annika Vang Gull
Bogaskjóting Women’s Recurve Head to Head Knockout Annika Vang Gull
Frælsur Ítróttur 10,000m Women Súsanna Skylv Sørensen Silvur
Badminton Men’s Doubles Poulsen A – Lamhauge B Gull
Badminton Men’s Singles Aksel Poulsen Bronsa
Badminton Team Event Faroe Islands Gull
Badminton Women’s Doubles Smith S – Poulsen G Silvur
Badminton Women’s Singles Sigrun Smith Gull
Fimleikur Men’s SET Individual Floor Rósing Dam Silvur
Fimleikur Men’s SET Individual Parallel Bars Rósing Dam Silvur
Fimleikur Men’s SET Individual Rings Rósing Dam Bronsa
Fimleikur Men’s FIG Individual Floor Øssur Debes Eiriksfoss Bronsa
Fimleikur Men’s FIG Individual Parallel Bars Rósing Dam Bronsa
Fimleikur Men’s FIG Individual Rings Øssur Debes Eiriksfoss Bronsa
Fimleikur Men’s FIG Individual Vault Øssur Debes Eiriksfoss Bronsa
Fimleikur Men’s SET Individual Vault Fróði Mortensen Gull
Fimleikur Team Floor & Vault Men’s Faroe Islands Silvur
Fimleikur Team Floor & Vault Women’s Faroe Islands Bronsa
Fimleikur Women’s SET Individual Beam Kristina Toftegaard Silvur
Judo Men’s +100kg Skarpheðin Njálsson Silvur
Judo Men’s -100kg Petur Sigurð Johannesen Bronsa
Judo Men’s 60kg Sam Vang Bronsa
Judo Men’s 73kg Jógvan Páll Kristiansen Gull
Judo Men’s 73kg Hjalmar Johannesen Silvur
Judo Men’s 81kg Búgvi Poulsen Gull
Judo Men’s 81kg Áki Davidsen Bronsa
Judo Men’s 90kg Bjørn Andreassen Bronsa
Judo Men’s Team Event Faroe Islands Bronsa
Svimjing Men’s 100m Backstroke Kári J. á Høvdanum Silvur
Svimjing Men’s 100m Breaststroke Pál Joensen Bronsa
Svimjing Men’s 100m Freestyle Pál Joensen Gull
Svimjing Men’s 100m Individual Medley Pál Joensen Silvur
Svimjing Men’s 1500m Freestyle Pál Joensen Gull
Svimjing Men’s 200m Breaststroke Pál Joensen Gull
Svimjing Men’s 200m Butterfly Pál Joensen Bronsa
Svimjing Men’s 200m Freestyle Pál Joensen Gull
Svimjing Men’s 200m Individual Medley Pál Joensen Silvur
Svimjing Men’s 4 x 100m Freestyle Relay Faroe Islands Silvur
Svimjing Men’s 4 x 100m Medley Relay Faroe Islands Silvur
Svimjing Men’s 4 x 50m Medley Relay Faroe Islands Gull
Svimjing Men’s 400m Freestyle Pál Joensen Gull
Svimjing Men’s 400m Individual Medley Pál Joensen Silvur
Svimjing Men’s 50m Backstroke Kári J. á Høvdanum Silvur
Svimjing Men’s 50m Breaststroke Pál Joensen Silvur
Svimjing Men’s 50m Butterfly Pál Joensen Gull
Svimjing Men’s 50m Butterfly Kári J. á Høvdanum Bronsa
Svimjing Men’s 50m Freestyle Pál Joensen Gull
Svimjing Men’s 50m Freestyle Pauli Øssursson Mohr Bronsa
Svimjing Women’s 100m Backstroke Bjørg Seloy Gull
Svimjing Women’s 100m Backstroke Birita Debes Bronsa
Svimjing Women’s 100m Breaststroke Malan Vitalis Bærendsen Gull
Svimjing Women’s 100m Breaststroke Katarina S. Lamhauge Bronsa
Svimjing Women’s 100m Butterfly Bjørg Seloy Silvur
Svimjing Women’s 100m Butterfly Shaila millum Garðarnar Bronsa
Svimjing Women’s 100m Freestyle Shaila millum Garðarnar Gull
Svimjing Women’s 100m Individual Medley Poula Øssursdóttir Mohr Silvur
Svimjing Women’s 200m Backstroke Bjørg Seloy Bronsa
Svimjing Women’s 200m Breaststroke Malan Vitalis Bærendsen Gull
Svimjing Women’s 200m Breaststroke Katarina S. Lamhauge Bronsa
Svimjing Women’s 200m Freestyle Mona Simonsen Bronsa
Svimjing Women’s 4 x 100m Medley Relay Faroe Islands Gull
Svimjing Women’s 4 x 50m Freestyle Relay Faroe Islands Gull
Svimjing Women’s 4 x 50m Medley Relay Faroe Islands Gull
Svimjing Women’s 400m Freestyle Mona Simonsen Gull
Svimjing Women’s 50m Backstroke Birita Debes Gull
Svimjing Women’s 50m Backstroke Poula Øssursdóttir Mohr Silvur
Svimjing Women’s 50m Breaststroke Katarina S. Lamhauge Gull
Svimjing Women’s 50m Butterfly Shaila millum Garðarnar Gull
Svimjing Women’s 50m Butterfly Guðrun Holm Jacobsen Bronsa
Svimjing Women’s 50m Freestyle Shaila millum Garðarnar Gull
Svimjing Women’s 800m Freestyle Mona Simonsen Gull
Flogbóltur Women’s Volleyball Faroe Islands Gull
Í gjár vóru 13. Oyggjaleikirnir settir í Álandi.
Yvirlit yvir kappingar, luttakarar og úrslit er at finna á úrslitasíðuni hjá leikunum alandresults2009.com.
Oyggjaleikanevndin á Prince Edward Island hevur boðað frá, at hon tekur sítt boð uppá oyggjaleikirnar í 2013 aftur.
Annars var ætlanin, at aðalfundurin hjá IGA í Álandi seinast í juni i ár skuldi taka støðu til, hvørt leikirnir skuldu vera á Bermuda ella á Prince Edward Island.
Men tá stjórnin í Prince Edward Island tók lyftið um fíggjarligan stuðal til leikirnar aftur 19. februar í ár, og allar royndir at finna annan stuðul miseydnaðust, gjørdi Oyggjaleikanevndin á Prince Edward Island av at taka boðið aftur.
Tí hevur aðalfundurin hjá IGA 28. juni 2008 bert ein umsøkjara til leikirnar í 2013 at taka støðu til.
Oyggjaleikirnir á Rodos 2007 gjørdust serstakliga góðir fyri Føroyar.
Vit gjørdust nummar trý í samanløgdu heiðursmerkjarøðini, og er hetta eins gott og besta føroyska úrslitið higartil, ið vit fingu á heimavølli í 1989. Okkara ítróttafólk vunnu 24 gull-, 19 silvur- og 12 bronsuheiðursmerki.Tak yvirlitið við føroysku heiðursmerkjunum niður her (44 kb pdf).
Ítróttasamband Føroya takkar øllum ítróttafólkunum og leiðarum og venjarum teirra fyri stóra arbeiðið, tey løgdu í fyrireikingar til leikirnar og í leikirnar sjálvar.
Avbjóðingarnar hava verið nógvar bæði undan leikunum, summi blivu skadd og náddu ikki málinum at luttaka, og á sjálvum leikunum við nógva hitanum, tilvildarligu fyriskipanini á Rodos og ymisku avbjóðingunum, ið stunga seg upp á leikunum. Men leikirnir á Rodos fara ivaleyst at liva leingi í minninum.
Ein tøkk fer samstundis til ymsu stuðlarnar, ið hava gjørt luttøkuna á Rodos gjørliga, og til landsins myndugleikar, ið bæði hjálptu við stuðli, og vóru við til at mynda leikirnar við síni luttøku har. Eisini føroysku miðlarnir hava eina stóra tøkk uppiborna fyri sín leiklut í at gera leikirnar livandi fyri føroyska fólkinum.
Tilfar um leikirnar er m.a. at finna á heimasíðunum www.oyggjaleikir.fo, www.rhodes2007.info, www.rhodesresults2007.com og www.islandgames.net
Eyguni verða nú vend móti næstu leikunum, ið verða í Álandi í døgunum 27. juni (ley.) til 4. juli (ley.) 2009. Heimasíðan hjá leikunum í Álandi er at finna her.
Føroysku ítróttafólkini eru nú øll komin til Rodos. Fyrri helmingurin kom mánakvøldið, og seinna helvtin kom í nátt. Flogfarið setti seg á Diagoras flogbreytina á Rodos kl. 2.30 í morgun. Tey høvdu tá ferðast við Atlantic Airways úr Føroyum við millumlending í Billund.
Bussar fluttu síðani ítróttafólkini teir 10 minuttirnar til hotellið Ixian Grand. Hotellið er stórt og prýðiligt, men partar verða ný- og umbygdir, og tí eru fleiri av kømurunum ikki heilt liðug. Annars verður latið væl at hotellinum. Maturin er góður, og á útnyrðingssíðuni á Rodos, har Ixia liggur, er vanliga eitt lot. Hetta hevur hjálpt hesar fyrstu dagarnar, nú ítróttafólkini skulu venja seg við hitan, ið higartil hevur ligið omanfyri 30 stig.
Lagið í leguni er gott. Dagarnir ganga við venjingum og annars við at venja seg við hitan, nú ein dag áðrenn setanina. Sunnudagin skulu tær flestu ítróttagreinarnar í gongd. Spennandi verður at síggja, um fyrireikararnir av leikunum verða til reiðar at byrja sunnudagin. Tað sær í øllum førum út til, at teir hava tørv á einum tveimum døgum aftrat til fyrireikinig.
Fyriskipararnir av Oyggjaleikunum á Rodos hava heitt á føroysku almennu umboðini, Jóannes Eidesgaard, løgmann, og Jógvan á Lakjuni, landsstýrismann við mentamálum, og Heðin Mortensen, forseta í Ítróttasambandi Føroya, at handa heiðursmerki á Oyggjaleikunum.
Týsdagin 3. juli kl. 20.20 fer Jóannes Eidesgaard at handa heiðursmerkini í kappingini í 200 m frísvimjing hjá monnum.
Mikudagin 4. juli kl. 18.50 fer Heðin Mortensen at handa heiðursmerkini í kappingini 400 m frísvimjing hjá kvinnum.
Hósdagin 5. juli kl. 14.30 fer Jógvan á Lakjuni handa heiðursmerkini í einstaklingakappingini hjá kvinnum í compound bogaskjóting.
Til ber at taka eitt yvirlit niður, ið vísir tær kappingar, ið føroyingar kappast í á Oyggjaleikunum. Skráin er vegleiðandi, eftirsum broytingar nú beint uppundir leikirnar verða gjørdar mestsum dagliga.
Tak yvirlitið niður her (68 kb pdf).
Víst verður annars til heimasíðuna hjá leikunum, har nýggjastu dagføringar av skránni koma at liggja.
Nú Oyggjaleikirnir av álvara eru farnir at nærkast, er hitin farin at gera um seg á Rodos. Knappar tvær vikur eru til setanina – hon verður leygarkvøldið 30. juni.
Veðurforsøgnirnar fyri teir næstu fimm dagarnar siga frá skýfríum himli og sól allar dagarnar. Hitin fer at verða millum 32 og 36 stig um dagin, og um náttina fer hann at verða millum 26 og 29 stig.
Tað er av alstórum týdningi at ítróttafólk og ferðafólk, ið fara til Oyggjaleikirnar, fylgja ráðunum frá liðlæknanum um vætu og verju móti sól.
Í stuttum tíðindaskrivi hevur Altjóða Oyggjaleikanevndin, IGA, boðað frá, at umleið 3.000 luttakarar verða til leikirnar á Rodos.
Hesir leikirnir verða sostatt teir størstu higartil, og hava í luttakaratali yvirhálað Olympisku vetrarleikirnar.
Ítróttafólkini fara at kappast í 14 ítróttagreinum, og fyriskipararnir vænta fleiri túsund áskoðarar frá teimum 25 limaoyggjunum.